Nutaarsiassat

Kalaallit Nunaanni Suliffigissaaneq pillugu Siunnersuisoqatigiit 31. august 2023 ataatsimiinnerannut atatillugu Beskæftigelsesminister Ane Halsboe-Jørgensen tikeraarpoq.

1. Elna Heilmann, Siulittaasoq, IMAK
2. Lene Knüppel, Siulittaasup tullia, ASG
3. Karl Lyberth-Klausen, Allafifmmi pisortaq, Grønlands Erhverv
4. Qallunaat Nunaanni Suliffissaqartitsiniarnermut ministeri Ane Halsboe-Jørgensen
5. Mati Frederiksen, siulittaasoq, Suliffigissaaneq pillugu Siunnersuisoqatigiit, Kontorchef, Den Centrale Bygningsmyndighed
6. Flemming Enequist, AC-Fuldmægtig, Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik  
7. Casper Kronow, Kredschef, Kalaallit Nunaanni Sullivinnik Nakkutilliisoqarfik, Suliffigissaaneq pillugu Siunnersuisoqatigiinnut allaffeqarfik
8. Peter Mølgaard, Siulersuisunnernut ilaasortaq aamma SIK-p Inuusuttaannut siulittaasoq
9. Julie Andrea Jeremiassen, Kalaallit Nunaanni Sullivinnik Nakkutilliisoqarfimmi nakkutilliisoq, Suliffigissaaneq pillugu Siunnersuisoqatigiinnut allaffeqarfik

LAB - Arbejdsmiljøkonference, Nyborg, 11-13. oktober 2023 - peqataaneq

Suliffigissaanermi suliaqarnermi paasisat isumassarsiallu nutaat

Kalaallit Nunaanni Suliffigissaaneq pillugu Siunnersuisoqatigiit sinnerlugit Lene Knüppel aamma Jacob Abelsen ukiumoortumik Arbejdsmiljøkonference-mi Nyborg-imi ingerlanneqartumi peqataapput.

Aaqqissuussineq angisoorujussuuvoq ulluni pingasuni ingerlanneqatoq. Workshop-it assigiinngitsut saqqummiinerillu 40-t sinneqarput. Danmarkimit tamarmi peqataasoqarpoq, Nunatsinniit suliffeqarfik ataaseq angisooq peqataavoq, Namminersorlutik Oqartussata aamma Kalaallit Nunaanni Suliffigissaaneq pillugu Siunnersuisoqatigiit.

Arbejdsmiljøkonference video-kut beskæftigelsesministerimit Ane Halsboe-Jørgensen-imit
ammarneqarpoq.

Saqqummiinerit workshop-illu soqutiginaqaat saqqummiisullu ilisimasaqarluarlutik.

Sullivimmi avatangiisit immikkoortinneqartarput timikkut aamma tarnikkut sullivimmi avatangiisinut, siusinnerusumullu sanilliullugu ullumikkut tarnikkut sullivimmi avatangiisit initunerupput.

Tamanna aamma erseqqippoq workshop-ini saqqummiinernilu assigiinngitsuni. Saqqummiinerit tarnikkut sullifimmi avatangiisinut tunngasuupput, aaqqiagiinnginnernik isumaginninnerit, tarnikkut toqqissisimaneq, aqutseqataanissamut tunngaviit, uippakajaarnaveersaartitsineq il.il., sammineqangaatsiarput.

Sammisaq soqutiginartoq alla aamma unaavoq “Pisortat sulerippat, sulisorisat aalajangiisarpata?”. Tassani saqqummiisuupput Ann-Christina Matzen Andreassen, JAC, Gentofte Kommune, aamma Bo Vestergaard, Fair Proces.

Sammisami tamatumani sammineqarpoq nutaamik eqqarsarluni aqutseriaaseq, sulisorisanillu
annertunerujussuarmik peqataatitsineq.

Saqqummiunneqartuni soqutiginartoq alla tassaavoq kinguaariinnik inuusunnerusunik aqutsineq, Alexandra Kreutwald saqqummiisoralugu, tassungalu atatillugu oqallisigivarput sulisussarsiortarneq tigumminniinnarniarnerlu sulisunik inuusunnerusunik.

Peqataanitsigut aamma periarfissinneqarpugut attaveqaatitaartorluta aammalu suliffigissaanerup tungaatigut misilittakkanik avitseqateqarluta.

Ataatsimeersuarneq innersuulluakuttoorsinnaavarput, neriuppugullu sullivinni avatangiisinut sinniisut Nunatsinneersut amerlanerusut ukiumi tullermi arbejdsmarkedskonference-mut peqataasinnaajumaartut.

Kiammi ilisimavaa, immaqa uffa maani Nunatsinni nammineerluta nuna tamakkerlugu
arbejdsmarkedskonference-qartitsisinnaasugut, qaquguussangaluarnersoq.

Kalaallit Nunaanni sullivinni avatangiisit pillugit DVD-it nutaat

Suliffigissaasut marlunnik DVD-liortitsipput Sullivinni avatangiisinik sammisaqartunik. DVD ”Kalaallit Nunaanni sullivinni avatangiisiniit paasissutissiineq” sullivinni avatangiisit pillugit inatsit pillugu TV-kut aallakaatitassianik imaqarpoq. DVD-ip aappaa ”Isumannaallisaanermut sakkuusivik” sullivinni avatangiisit pillugit ilinniartitsinermi atugassiaavoq, sullivinnilu assigiinngitsuni sullivinni avatangiisitigut pissutsinik imaqarlutik. DVD-it Suliffigissaasut saaffiginerisigut attartorneqarsinnaapput oqarasuaat 34 25 90 aqqutigalugu imaluunniit maili
at@at.gl.

Misissuineq

Decembari 2015-mi Suliffigissaaneq pillugu siunnersuisoqatigiit aalisarneq pillugu misissuinissamut 100.000 koruuninik aningaasaliivoq. Paasisaqarnerugit uani.

2012 - Ukiumoortumik nalunaarut

Kalaallit Nunaanni Suliffigissaasoqarnerup siunertaraa sullivinni isumannaatsunik peqqinnartunillu avatangiisinik pilersitsinermi illuatungeriit, sulisartut sulisitsisullu sunniuteqaqataanissaannik periarfississallugit
(11 juni 2014)

Tusagassiuutitigut nalunaarut: Kalaallit Nunaanni sullivinni avatangiisit pillugit suliniarnerup nukittorsarneqarnera

Annerusumik akiliisitsisalerneq, sulisitsisup sulisullu akisussaaffiinik allannguineq aamma sanaartornerup iluani ataqatigiissaarisutut ilinniarneq nutaaq Kalaallit Nunaanni asullivinni avatangiisit pillugit suliniarnerup nukittorsarneqarnissaanik kinguneqassapput’. Sullivinni avatangiisit pillugit maleruagassat nutaat, jannuaarip aallaqqaataaniit atuutilersussat (2013), pillugit Kalaallit Nunaanni Suliffigissaanermut Siunnersuisoqatigiit siulittaasuat, Ivalu Egede, taama oqarpoq
(4 februari 2013)

2012-mi sullivinni avatangiisigissaarnerpaatut toqqaasoqarpoq

Kalaallit Nunaanni suliffigissaaneq pillugu siunnersuisoqatigiit unammisitsineq ”2012-mi sullivinni avatangiisigissaarnerpaaq” ingerlappaat sullivimmi tarnikkut atukkat sammineqarnerunissaat kissaatigineqarmat, sullivimmi avatangiisigissaarneq sulisunut, sullivimmut inuiaqatigiinnullu pitsaasumik kinguneqartitsisarmat. Martsip qaammataani peqataanissamut nalunaarnissaq killeqartinneqarpoq, siunnersuisoqatigiillu peqataasut arfineq pingasut akornanni ajugaasoq toqqarpaat
(10 apriili 2012)

Uippakajaarnermiit ilorrisimaarnermut

Inuit tamarmik uippakajaalersinnaapput, ataatsimoorulluguli akiorniagassaavoq!

Uippakajaarneq akiorniarneqarsinnaavoq, arlaatigut ajoqutaalersinnagu. Kisiannili suliffeqarfimmi ammasumik eqqartugassaavoq, ataatsimoorulluguli akiorniagassaalluni. Tamanna qarasaasiatigut quppersakkami nutaami Kalaallit Nunaanni suliffigissaaneq pillugu siunnersuisoqatigiit aammalu Danmark-imi Sullivinni Avatangiisit pillugit ilisimasanik katersuiviup saqqummersitaani takuneqarsinnaavoq.

Suliffeqarfinni uippakajaartarneq pillugu sukumiinerusumik paasisaqarusukkuit, una qarasaasiatigut quppersagaq www.ilorraallak.gl qupperarsinnaavat. Quppersakkami uippakajaartarnerit ilorrisimaarnissamullu paasissutissat kalaallisuunngortinneqarsimapput. Paasissutissat uanngaannit tigusiffigillattaarneqarsimapput www.frastresstiltrivsel.dk, Danmark-imi Danmark-imi Sullivinni Avatangiisit pillugit ilisimasanik katersuiviup 2007-mili suliarilersimasai. Paasissutissat pisortat suliffeqarfiutaani sulisunut, nalinginnaasumik sulisunut pisortanullu sammisuupput. Allami suliffeqaraluaraani aamma iluaqutiginiarneqarsinnaapput.
(2 septembari 2011)