Suliffigissaaneq pillugu siunnersuisoqatigiit

1986-imili Kalaallit Nunaanni suliffimmi avatangiisit pillugit inatsit akuersissutigineqarmat maanna Suliffigissaasunik (AMR) taagorneqartut pilersinne qarput. Suliffigissaasut siunertaraat suliffeqarnermi suleqataasut suliffimmi avatangiisit isumannaannerulernissaat peqqinnarnerulernissaallu anguniarlugu suliniuteqarnermi sunniuteqaqataatinniarnissaat, Suliffigissaasullu makkuninnga suliassaqarput:

  • Suliffigissaasut suliffimmi avatangiisit pillugit apeqqutit pillugit ilisimasaqarnerup siaruarternissaanut suleqataassapput.
  • Nammineerlutik suliniuteqarnermikkut apeqqutit suliffimmi avatangiisinut pingaaruteqartutut isumaqarfigisatik oqallisigisassavaat, aammalu taakku pillugit suliffeqarnermut ministerimut (danskiusumut, aaqq.), Naalakkersuisunut aamma Sullivinnik Nakkutilliisunut oqaaseqaateqartassallutik.
  • Inatsisinut allannguutissat maleruagassallu nutaat, kiisalu suliassat ataasiakkaat, suliffeqarnermut ministerip, Naalakkersuisut aamma Sullivinnik Nakkutilliisut Suliffigissaasunut saqqummiussaat oqaaseqaateqarfigisassavaat siunnersuuteqarfigisassallugillu.

Suliffigissaasut suleqatigiissitaliorsinnaapput tassungalu ilaasortassanik - aammattaaq Suliffigissaasut ilaasortaasa avataanniittunik - toqqaasinnaallutik. Kiisalu aamma sulianik ilisimasalinnut paasiniaasinnaapput, misissuinernillu sulinerminnut atatillugu atugassaminnik aallartitsisinnaallutik.

Nutaatut Suliffigissaasut pisinnaatitaaffii imaattumik ilassuserneqarput: Maalaarutit Suliffinnik Nakkutilliisunit aalajangiiffigineqannginnerminni Suliffigissaasunut oqaaseqarfigisassanngorlugit saqqummiunneqartassapput.