2012-mi sullivinni avatangiisigissaarnerpaatut toqqaasoqarpoq

Tusagassiuutitigut nalunaarut

Kalaallit Nunaanni suliffigissaaneq pillugu siunnersuisoqatigiit unammisitsineq ”2012-mi sullivinni avatangiisigissaarnerpaaq” ingerlappaat sullivimmi tarnikkut atukkat sammineqarnerunissaat kissaatigineqarmat, sullivimmi avatangiisigissaarneq sulisunut, sullivimmut inuiaqatigiinnullu pitsaasumik kinguneqartitsisarmat. Martsip qaammataani peqataanissamut nalunaarnissaq killeqartinneqarpoq, siunnersuisoqatigiillu peqataasut arfineq pingasut akornanni ajugaasoq toqqarpaat.

Suliffigissaaneq pillugu siunnersuisoqatigiit siulittaasuat Ivalo Egede aamma Naalakkersuisoq Ove Karl Berthelsen nersornaat pingasunngornermi april-ip ulluisa sisamaanni suliffeqarfimmut Inuplan A/S-imut nuummi qullersaqarfeqartumut Sullivinnik Nakkutilliisoqarfiup allaffiani ilasseqatigiinnermi tunniunneqarpoq .

Suliffigissaaneq pillugu siunnersuisoqatigiit siulittaasuat Ivalo Egede ilaatigut imatut oqalugiarnermini oqarpoq: “Ukioq manna sullivik ‘Ukiumi 2012-mi Sullivinni Avatangiisigissaarnerpaaq’ nersornaaserneqartoq suliffeqarfiuvoq immikkuullarissoq, unammisitsinnermi peqataasunit allanut sanilliullugu immikkut malugisariaqartoq. Suliffeqarfimmi pineqartumi apeqqutini immersugassani akissutigineqartuni qaffasinnerpaamik pointinnassimallunillu sulisunit sullivitsik pillugu pitsaasunik oqaaseqaateqartoqarnerpaavoq”. 

   

Aamma Inuussutissarsiornermut aatsitassanullu naalakkersuisoq Ove Karl Berthelsen oqaaseqarpoq:
Suliffeqarfiutitta ilaat pitsaasunik angusaqarnerini nalliusseqataasarnikka nuannaarutigiuartarpara. Ullumikkut aamma taamaappoq, ukiorlu manna 2011 sullivimmi atukkat pillugit nersornaat Inuplan-imut tunniussinnaagakku nuannaarutigeqaara.

Inuplan nunarsuarmioqatigiinni iluatsitsisimasoq, suliffeqarfissuit ilaat uuliamik misissuinermik suliaqartoq suleqatigissallugu isumaqatigiissut ajugaassutigisimagaa. Taamaammat Inuplan nunatsinni suliffeqarfittut sullivimmi pitsaasunik atugaqarnissaq qulakkeerniarlugu siuttuusutut assersuutissaqqippoq, ilutigitillugulu suliffeqarfik nunarsuarmioqatigiinni akuulerluni ineriartorsimammat.

   

Annertunerusumik paasisaqarusukkuit suliffigissaaneq pillugu siunnersuisoqatigiit siulittaasuat attavigisinnaavat:

  • Ivalo Egede, suliffigissaaneq pillugu siunnersuisoqatigiit siulittaasuat, tlf 553325, e-mail: ive@knr.gl